Boom pasport

სამომხმარებლო შეთანხმების საგანი
კეთილი იყოს თქვენი მობრძანება boom.ge-ზე! boom.ge გთავაზობთ თავის მომსახურებას იმ პირობებით, რომლებიც წარმოადგენს ამ სამომხმარებლო შეთანხმების საგანს. შეთანხმება შეიძლება შეცვლილი იქნას boom.ge -ს ადმინისტრაციის მიერ სპეციალური შეტყობინების გარეშე, და იგი ძალაში შევა მისი გამოქვეყნებიდან 5 დღეში, თუ არ იქნა გათვალისწინებული სხვა ახალი რედაქცია.
მომსახურებათა აღწერილობა
boom.ge გთავაზობთ ონ-ლაინ მომსახურაბათა ფართო სპექტრს. ამ მომენტისათვის არსებული ყველა მომსახურება, როგორიცაა ელფოსტა, ვიდეო ფაილების სისტემა, ფაილების სისტემა, გაცნობის სამსახური და ა.შ. ასევე ყველა ჩვენს მიერ შემდგომში დამატებული მომსახურეობა და განვითარება წარმოადგენს ამ შეთანხმების საგანს. თქვენ აცნობიერებთ და ეთანხმებით იმას, რომ boom.ge –ს მომსახურებები არის ისეთი როგორიც არის და რომ boom.ge არ აგებს პასუხს არანაირ შეფერხებაზე, ინფორმაციის არასწორ ან დაგვიანებულ მიწოდებაზე, რაიმე პირადი სამომხმარებლო ინფორმაციის წაშლასა თუ შეუნახავობაზე. იმისათვის, რომ თქვენ ისარგებლოთ boom.ge -ს სამომხმარებლო სამსახურებით, თქვენ გჭირდებათ მხოლოდ კომპიუტერი და ინტერნეტი (WWW). არცერთი საკითხი, რაც დაკავშირებულია ქსელში ჩართვასთან, ამისათვის შესაბამისი მოწყობილობებისა და პროგრამული უზრუნველყოფის შეძენასთან არ წარმოადგენს ამ შეთანხმების საგანს და გადაწყვეტილ უნდა იქნას თქვენს მიერ. გარდა ამისა boom.ge –ს ზოგიერთ მომსხურებაში შეიძლება განთავსებული იყოს ინფორმაცია უფროსებისათვის. ეს სამომხმარებლო შეთანხმება, რეკომენდაციას აძლევს პირებს, რომლებსაც არ მიუღწევიათ 18 წლისათვის თავი შეიკავონ ამ ინფორმაციის მოპოვებისაგან.
თქვენი რეგისტრაცია, პაროლი და უსაფრთხოება
რეგისტრაციის პროცესის დამთავრებიდან 24 საათში თქვენ მიიღებთ ლოგინს და პაროლს boom.ge –ს სხვადასხვა მომსახურეობებისათვის. თქვენ იღებთ პასუხისმგებლობას თქვენი ლოგინისა და პაროლის უსაფრთხოებაზე და ასევე ყველაფერზე, რაც შეიძლება მოხდეს boom.ge –ზე თქვენი ლოგინისა და პაროლის მეშვეობით. boom.ge –ს აქვს უფლება აკრძალოს ან ამოიღოს ბრუნვიდან ცალკეული ლოგინები. თქვენ ეთანხმებით იმას, რომ დაუყოვნებლად უნდა შეატყობინოთ boom.ge –ს ადმინისტრაციას არაავტორიზებული (თქვენი ნებართვის გარეშე) შესვლის შესახებ თქვენი ლოგინითა და პაროლით, ასევე უსაბრთხოების დარღვევის შესახებ. boom.ge არ არის პასუხისმგებელი თქვენი ინფორმაციის დაკარგვაზე ან დაზიანებაზე, რომელიც შეიძლება მოხდეს თქვენს მიერ ამ პუნქტის დარღვევის შედეგად. თქვენ თანახმა ხართ არ გამოიყენოთ boom.ge –ს სამსახურები შემდეგი მიზნებისათვის და რომ აკრძალულია: - იმ კონტენტების ჩატვირთვა, გაგზავნა, გადაცემა ან სხვა სახით განთავსება, რომლებიც არის არაკანონიერი, მუქარის შემცველი, შეურაცმყოფელი, რომლებიც არღვევს საავტორო უფლებებს, პროპაგანდას უწევს რასობრივ, რელიგიურ, სქესობრივ, სოციალურ დისკრიმინაციას და აღვივებს შუღლს, შეიცავს შეურაცყოფას კონკრეტული პირებისა და ორგანიზაციების მიმართ; - არასრულწლოვანთა უფლებების დარღვევა და მათთვის ნებისმიერი ფორმით ზიანის მიყენება; - უმცირესობათა უფლებების შევიწროვება; - იმ კონტენტების ჩატვირთვა, გაგზავნა, გადაცემა ან სხვა სახით განთავსება, რომლებზეც თქვენ არ გაგაჩნიათ უფლება გახადოთ საჯარო საქართველოს კანონმდებლობით, ან რომელიმე ხელშეკრულებით; - იმ კონტენტების ჩატვირთვა, გაგზავნა, გადაცემა ან სხვა სახით განთავსება, რომლებიც ეხება რაიმე პატენტს, სავაჭრო ნიშანს, კომერციულ საიდუმლიებას ან არღვევს მესამე მხარის საავტორო უფლებებს. - იმ კონტენტების ჩატვირთვა, გაგზავნა, გადაცემა ან სხვა სახით განთავსება, რომლებზეც არ არის გაცემული სპეციალური ნებართვა boom.ge –ს ადმინისტრაციის მიერ და შეიცავენ მესამე მხარის სარეკლამო ინფორმაციას, სპამს(მათ შორის საძიებო), უცხო ელექტრონულ მისამართებს, ინტერნეტ გამომუშავებისა და e-mail ბიზნესს. - იმ კონტენტების ჩატვირთვა, გაგზავნა, გადაცემა ან სხვა სახით განთავსება, რომლებიც შეიცავენ ვირუსებსა და სხვა კომპიუტერულ კოდებს, ფაილებს და პროგრამებს, რომლებიც განსაზღვრულნი არიან პროგრამების, კომპიუტერებისა და ტელესაკომუნიკაციო მოწყობილობათა ფუნქციონალური შეზღუდვის, დარღვევისა თუ განადგურებისათვის. ასევე კომერციული პროგრამული პროდუქტების სერიული ნომრების, კოდების, ლოგინების, პაროლების ან სხვა რაიმე ინფორმაციის გამოქვეყნება, რაც ხელს შეუწყობს ინტერნეტის ფასიან რესურსებში არასანქცირებულ ხელმისაწვდომობას, აგრეთვე ზემოთაღნიშნულ ინფორმაციაზე ლინკების განთავსება; - მესემე პირთა შესახებ ინფორმაციის შეგროვება და შენახვა; - მესამე პირების ქსელში ნებისმიერი სახით წარმომადგენლობა; - საქართველოს კანონმდებლობისა და საერთაშორისო ნორმების შეგნებული დარღვევა; boom.ge –ს ვებ-საიტის ნორმალური ფუნქციონირებისათვის ხელის შეშლის მცდელობა.
boom.ge –ზე რეგისტრაციის გამოყენების უფლება თქვენ თანახმა ხართ არ გაიმეოროთ, არ გაუკეთოთ კოპირება, არ გაყიდოთ ან არ გადაყიდოთ, ასევე არ გამოიყენოთ კომერციული მიზნებისათვის boom.ge –ს სამსახურები ან მათი რომელიმე ნაწილი იმ შემთხვევების გარდა, როდესაც ასეთ ნებართვას boom.ge იძლევა. boom.ge –ზე რეგისტრაციის შემდეგ თქვენ გეძლევათ რეგისტრაცია (ლოგინი და პაროლი) რომელიც არ ექვემდებარება მესამე პირებზე გადაცემას boom.ge –ს წერილობითი თანხმობის გარეშე.
საერთო ინფორმაცია
ეს სამომხმარებლო შეთანხმება წარმოადგენს იურიდიულად ურთიერთვალდებულ ხელშეკრულებას თქვენს (boom.ge –ს მომსახურეობით მსარგებელს) და boom.ge –ს შორის. - boom.ge -ს მხრიდან უმოქმედობა თქვენს მიერ ამ სამომხმარებლო შეთანხმების დარღვევის შემთხვევაში, არ ნიშნავს რომ boom.ge არ დაიცავს თავის ინტერესებს მოგვიანებით ან მაშინ, როდესაც ამას მიიჩნევს მიზანშეწონილად. ეს ასევე არ ნიშნავს რომ ამ სამომხმარებლო შეთანხმების დარღვევის სხვა მსგავსი შემთხვევა დარჩება რეაგირების გარეშე.